சர்வதேச முதியோர் தின உறுதிமொழி - அக்டோபர் 1

சர்வதேச முதியோர் தின உறுதிமொழி - அக்டோபர் 1

சமூக நலன் மற்றும் மகளிர் உரிமைத்துறை முதியோர் நலம் - சர்வதேச முதியோர் தினத்தை அக்டோபர் 1 ம் தேதி கொண்டாடுதல் - பள்ளி மற்றும் கல்லூரி மாணவர்களிடையே முதியோர்களை பராமரிக்கும் வண்ணமாக உறுதிமொழி எடுக்க அறிவுறுத்துதல் - குறித்து , 

2021 ஆம் ஆண்டு அக்டோபர் 1 ஆம் நாளன்று சர்வதேச முதியோர் தினவிழா கொண்டாடுவதற்குத் திட்டத் தொடராணை வழங்கியும் , மாநில அளவில் கொண்டாடுவதற்கு ரூ .2,50,000 / -மும் , மாவட்ட அளவில் கொண்டாடுவதற்கு ஒரு மாவட்டத்திற்கு ரூ .10.000 /- வீதம் 32 மாவட்டங்களுக்கு ரூ .3,20,000 / -மும் ஆக மொத்தம் ரூ .5,70,000 / -க்கு செலவினம் மேற்கொள்ள அனுமதியும் , நிதி ஒப்பளிப்பும் செய்து ஆணை வெளியிடப்பட்டுள்ளது . ( க.பி.பா. ) -2 2. சர்வதேச முதியோர் தினமான அக்டோபர் , 1 , 2021 அன்று இணைப்பில் உள்ள உறுதிமொழியினை பள்ளி மற்றும் கல்லூரி மாணவர்கள் முதியோர்களை பராமரிக்கும் வண்ணமாக 2021 - ஆம் ஆண்டிலிருந்து ஒவ்வொரு ஆண்டும் உறுதிமொழி எடுப்பதற்கு ஏதுவாக இணைப்பில் கண்டுள்ளவாறு பள்ளி மற்றும் கல்லூரிகளுக்கு சுற்றறிக்கை அனுப்புமாறு கேட்டுக் கொள்கிறேன் .

சர்வதேச முதியோர் தின உறுதிமொழி - அக்டோபர் 1 

முதியோர் தின உறுதிமொழி :

சர்வதேச முதியோர் தின உறுதிமொழி 

சிறுவயதில் என்னை கவனமுடன் பராமரித்து வளர்க்கின்ற பெற்றோர்களையும் , அளவில்லாத அன்பைப் பொழியும் தாத்தா , பாட்டியையும் அரவணைத்து பாசத்துடன் நடத்துவேன் . எனது வீட்டிற்கு அருகில் உள்ள முதியவர்களையும் , சமுதாயத்தில் நான் தினமும் சந்திக்கும் முதியவர்களையும் கேலி கிண்டல் செய்யாமல் அனைவரையும் கடுஞ்சொற்களால் பேசாமல் அன்புடன் நடத்துவேன் . எனது எதிர்காலம் எனது கல்வியினால் மட்டுமல்லாது அவர்களது ஊக்குவிப்பினாலும் தான் என்பதை புரிந்து கொண்டுள்ளேன் . முதியோருக்கு என்னாலான உதவிகள் செய்து அவர்களுக்கு எவ்வித இன்னல்களும் ஏற்படாதவண்ணம் அவர்களைப் பாதுகாப்பேன் . முதியோரின் அனுபவங்களை பொக்கிஷமாகக் கருதி அவர்கள் காட்டும் நல்வழியில் நடப்பேன் . இதனை எனது சக நண்பர்களுக்கும் உறவினர்களுக்கும் எடுத்துக்கூறுவேன் என்று உளமாற உறுதி கூறுகிறேன் .